Bilim berý mazmunyn jańartý jaǵdaıynda úshtildi bilim berý strategııasyn damytý maqsatynda uıymdastyrylǵan halyqaralyq dárejedegi is-sharany «О́rleý» BAUO» AQ fılıaly Almaty qalasy boıynsha PQ BAI dırektory Raısa Sadvakasova Raısa ashyp, qatysýshylarǵa quttyqtaý lebizin bildirdi. Konferensııa barysynda EQYU Az ulttar isteri jónindegi joǵarǵy komıssarıatynyń OABB aımaqtyq eksperti Atanasııa Stoıanova Qazaqstandaǵy kóptildi bilim berý máselesine qysqasha toqtalyp ótti.
Konferensııaǵa qatysýshylardy ELS, RELO AQSh elshiliginen En de Ýıld, Tomas Robb, Sıdıko Sabonı, Mark Dorr, Nensı Aklıster ǵalamtor arqyly qashyqtyqtan quttyqtap, álemdik dárejedegi keleli máseleni kóterip otyrǵan alqaly jıynǵa sáttilik tiledi. Konferensııa jumysyna EQYU Az ulttar isteri jónindegi joǵarǵy komıssarıattyń OABB aımaqtyq menedjeri Gıýlnaz Saırova, qalalyq ádistemelik ortalyqtyń ádiskeri Aıda Chemerbaeva jáne «О́rleý» BAUO» AQ basqarmasynyń ókilderi Islamgýlova Anastasııa, Anar Qasymbekova jáne t.b. qatysty.
Konferensııada zamanaýı bilim berý jaǵdaıynda muǵalimderdi qaıta daıarlaý úlgileriniń biri retinde «100 naqty qadam» Ult jospary men bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasyna sáıkes olarǵa maqsatty til jáne til men pándi kiriktirip oqytý ádistemesin (CLIL – Content and Language Integrated Learning) úıretý máselesi tereńinen talqylandy. Qazaqstan Respýblıkasyndaǵy jalpy bilim beretin uıymdardaǵy úshtildi bilim berýdi damytý úderisiniń sapasy olardy sheshý maqsatynda týyndaǵan máseleler men uqsas jaǵdaılar arqyly negizdelip anyqtalatyny sóz boldy. Sondaı-aq orta bilim berý mazmunyn jańartý jaǵdaıynda jaratylystaný-matematıkalyq baǵyt pánderin oqytý, ulttyq mektepterdegi kóptildi bilim berýdi damytý máseleleri, CLIL sabaqtarynda AKT paıdalanýdyń tıimdiligi qarastyryldy.
Jınalǵandar aldynda f.ǵ.d., professor. UǴA korrespondent-múshesi, Ahmet Baıtursynov atyndaǵy Til bilimi ınstıtýtynyń fonetıka bóliminiń bas ǵylymı qyzmetkeri Zeınep Bazarbaeva, f.ǵ.k., (PhD «О́rleý» BAUO AQ fılıaly Almaty qalasy boıynsha PQ BAI BBÚPPJE kafedrasynyń aǵa oqytýshysy Aqbota Qońyrova, Brıtan Keńesinen aımaqtyq menedjer Ekaterına Artemeva, p.ǵ.k., SDÝ professor-assıstenti Davran Gaıpov, p.ǵ.k., dosent, «О́rleý» BAUO AQ fılıaly Almaty qalasy boıynsha PQ BAI ITjǴJ (G)POÁ kafedrasynyń meńgerýshisi Alııa Arzıeva, AQSh erlshiliginiń RELO oqytýshysy Vanda Simpson osy baǵyttarda baıandama jasady.
Sondaı-aq, bul kúni álemdegi kóptildi bilim berý máselesi de qarastyrylyp, alqaly jıynǵa jınalǵandar aldynda ǵalamtor arqyly Shveısarııa, Norvegııa, Domınıkan Respýblıkasy, Belgııa, Japonııa/AQSh, Bahreınnen aǵylshyn tili oqytýshylarynyń qashyqtyqtan tanystyrylymyna da kezek berildi.
Plenarlyq májilisten keıin «Úshtildilik – kóptildi tulǵany qalyptastyrý negizi», «Til men pándi kiriktirip oqytý (CLIL – Content and Language Integrated Learning) ádistemesin engizýdegi jáne damytýdaǵy ózekti máseleler)», «Orta bilim berý mazmunyn jańartý jaǵdaıynda jaratylystaný-matematıkalyq baǵyt pánderin oqytý», «Ulttyq mektepterde kóptildi bilim berýdi damytý», «CLIL sabaqtarynda AKT paıdalanýdyń tıimdiligi» taqyryptarynda qaladaǵy jalpy bilim berý mektepteri muǵalimderiniń kúshimen uıymdastyrylǵan seksııalyq májilister de óz dárejesinde ótti.
Halyqaralyq ǵylymı-tájirıbelik konferensııa aıasynda Qazaqstan Respýblıkasyndaǵy orta bilim berý mazmunyn jańartý jaǵdaıynda úshtildi bilim berýdi damytý boıynsha jumystardy jetildirý; pán men tildi kiriktirip oqytý ádisin (CLIL – Content and Language Integrated Learning) qoldaný boıynsha jumystardy jalǵastyrý; Jaratylystaný-matematıkalyq sıkl pánderin AKT kiriktire otyryp oqytýǵa basa nazar aýdarý; ulttyq mektepterdegi úshtildi bilim berý salasynyń jumysyn jetildirý; halyqaralyq, respýblıkalyq, qalalyq deńgeıdegi ǵylymı-tájirıbelik konferensııalar, semınar, forým, sheber-synyptaryn ótkizý arqyly til saıasatyn júzege asyrý boıynsha jumystardy jalǵastyrý; úshtildilikti kúndizgi-qashyqtyqtan oqytý formatynda engizý máseleleri boıynsha sheteldik seriktestermen qyzmet etýdi damytý; mass media arqyly úshtildi bilim berý jaǵdaıynda pán muǵalimderiniń ozyq praktıkalyq jáne ınnovasııalyq tájirıbelerin toptastyrý jáne taratýǵa baılanysty usynystar qabyldandy.
Konferensııa sońynda is-sharaǵa belsene qatysqandarǵa arnaıy sertıfıkattar tabys etildi.
Elvıra SERIKQYZY,
«Egemen Qazaqstan»
ALMATY
